İspaniyada parlament seçkisində hakim Sosialist İşçi Partiyası (PSOE) qalib gəlib.
Euronews yazır ki, baş nazir Pedro Sançezin liderlik etdiyi PSOE parlamentdə 123 millət vəkili ilə təmsil olunacaq. Ancaq ümumilikdə 350 yer olan parlamentdə hökumət qurmaq üçün bu say kifayət deyil və P.Sançez koalisiya qurmalıdır.
İfrat-solçu Unidas Podemos 42 millət vəkilini parlamentə daxil edə bilib, amma bu da sol blokun üstünlük əldə etməsinə kifayət etmir.
Digər partiyaların qazandığı mandat sayı:
Sağçı, mühafizəkar Xalq Partiyası (PP) – 65
Sağ mərkəzçi Vətəndaşlar Partiyası (Ciudadanos) – 57
Radikal sağçı Vox Partiyası – 24
Son 40 ildə ilk dəfədir ki, radikal sağçı bir partiya parlamentdə təmsil olunur.
İspaniya Daxili İşlər Nazirliyi 2016-cı illə müqayisədə seçkilərdə seçici fəallığının 9 faiz artaraq 75 faizə çatdığını açıqlayıb. Bu, İspaniya demokratiya tarixində əldə edilən ən yüksək seçici fəallığı hesab edilir.
- Ölkədə son 4 ildə 3 dəfə seçki keçirilib.
