Təhsil Nazirliyi. Foto: edu.gov.az

Təhsil Nazirliyi ali və orta məktəblərdə dini dərslərin keçiriləcəyini təsdiqləyib.

Nazirlikdən ONA-ya verilən məlumata görə, dərslər 2019-2020-ci tədris ilindən IV-VIII sinif şagirdlərinə keçiriləcək. Təkmilləşdirilmiş “Həyat bilgisi” dərsliyində dini biliklər daha geniş şəkildə yer alıb. Onların sentyabrdan şagirdlərin istifadəsinə verilməsi nəzərdə tutulur.

Ali məktəbdə bakalavriat səviyyəsi üzrə təhsil alan tələbələrə isə dini biliklər “Multikulturalizmə giriş” fənni vasitəsilə tədris olunacaq. Dərsliyə “Dinlər tarixi” adlı mövzular daxil ediləcək. “Dinşünaslıq” və “İslamşünaslıq” ixtisasları üzrə təhsil alanlara “Dinlər tarixi” ayrıca fənn kimi tədris olunur.

Nə baş verib: Dini Qurumlarla İş üzrə Dövlət Komitəsinin sədri Mübariz Qurbanlı bildirib ki, gələn ilin sentyabrından bütün ali məktəblərdə İslam dini və digər dinlər haqqında icbari dərs keçiriləcək:

Tələbələr həmin dərslərdən imtahan verəcəklər. İslam dini onların içərisində daha yüksək yer tutur. Artıq həmin dərsliklər hazırlanıb. İslam şagirdlərə orta məktəbdə aşağı siniflərdən öyrədiləcək