Foto: AP / Boris Roessler

Ard-arda terror hücumlarının baş verdiyi Şri-Lankada burka və üzü örtən digər geyimlər qadağan edilib.

Ölkə başçısının adından edilən rəsmi açıqlamada vətəndaşların kimliyini müəyyənləşdirməyə mane olacaq formada üzü örtən və təhlükəsizlik baxımından riskli olan hər cür geyimin qadağan edildiyi bildirilib.

Qadağa bu gündən etibarən qüvvəyə minir.

Nə baş verib: Aprelin 21-də Şri-Lankanın paytaxtında bir neçə kilsə və oteldə partlayışlar baş verib. Hadisələr nəticəsində 300-dən çox insan ölüb, 500-dən çoxu yaralanıb. Hökumət terror aktlarını “Milli Tavhid-Camaatı” adlı radikal müsəlman qruplaşmasının 7 terrorçu-kamikadze ilə törətdiyini açıqlayıb. Qruplaşmanın terror aktlarını beynəlxalq terror şəbəkələrindən birinin dəstəyi ilə həyata keçirdiyi bildirilib. Daha sonra İŞİD terror aktlarına görə məsuliyyəti öz üzərinə götürüb.