Akihito və həyat yoldaşı Mişiko. Foto: Getty images
Akihito və həyat yoldaşı Mişiko. Foto: Getty images

Bu gün Yaponiyanın imperatoru Akihito taxtı tərk edəcək.

Euronews yazır ki, 85 yaşlı imperator taxtı böyük oğlu, varis şahzadə Naruhitoya verəcək.

30 ildir taxtda olan Akihito müharibədən çıxmış ölkənin modernləşdirilməsi, 90-cı illərdəki iqtisadi böhran və Fukuşima fəlakəti kimi çətinliklərin öhdəsindən gəlməli olub.
Müharibədən sonra ABŞ-ın təzyiqi ilə hazırlanan konstitusiyaya əsasən Yaponiyada imperator sadacə simvolik xarakter daşıyıb, dövlətin idarəsi isə baş nazirə verilib.

İmperator Akihito adət-ənənələrə zidd olaraq sadə xalqdan biri ilə ailə qurub, 2011-ci ildə həyat yoldaşı Mişiko ilə birgə zəlzələ və Fukuşima fəlakəti qurbanlarına baş çəkib, eləcə də atası Hirohitonun İkinci Dünya Müharibəsində verdiyi səhv qərarlarla üzləşərək Çin və Koreya yarımadasına səfərlər edib və bunlar xalqın rəğbətinə səbəb olub.

Akihito Yaponiya tarixində taxtı öz istəyi ilə tərk edən nadir imperatorlardan biridir.

  • Akihitodan öncə, 1817-ci ildə taxtdan öz istəyi ilə gedən sonuncu imperator Kokaku olub.

  • Mayın 1-də taxta imperatorun oğlu Narihito oturacaq. 59 yaşlı şahzadənin ilk rəsmi qonaqları ABŞ prezidenti Donald Tramp və həyat yoldaşı Melaniya Tramp olacaq. Onlar ölkəyə 25-28 may tarixlərində səfər edəcəklər.