Amerika Birləşmiş Ştatlarının (ABŞ) dövlət katibi Mayk Pompeo Venesuela prezidenti Maduronun dünənki çevriliş cəhdindən sonra ölkəni tərk etməyə hazırlaşdığını açıqlayıb.
O, CNN-ə verdiyi müsahibədə deyib ki, Nikolas Maduro dünən getməyə hazırlaşırdı, amma Rusiya ona bu addımı atmaqda mane olub.
US Secretary of State Mike Pompeo says it's time for Venezuelan leader Nicolás Maduro to "leave," adding, "He has no answers for the Venezuelan people and the United States is determined to assist the Venezuelan people in restoring democracy." https://t.co/qvcZ5hEEoP pic.twitter.com/yaxAj7wS7o
— CNN (@CNN) April 30, 2019
Bildiyimizə görə, səhər saatlarında onu ölkədən aparacaq təyyarə havalimanında hazır olub. Maduro da getməyə hazır idi. Ancaq ruslar onu razı salıb ki, qalsın
Pompeo bir də vurğulayıb ki, ABŞ Xuan Quaydonu dəstəkləyir:
Ümid edirəm ki, Maduro bu qərar barədə təkrar düşünər və həmin təyyarəyə minər. Biz prezident Quaydonu dəstəkləyirik. Hazırda 50-dən çox ölkə Quaydonu prezident kimi tanıyıb. Digər ölkələrə isə tarixin səhv tərəfində olduqlarını açıq formada izah etmişik
Rusiya Xarici İşlər Nazirliyinin sözçüsü Mariya Zaxarova Pompoenun ölkəsi ilə bağlı iddialarına belə cavab verib:
Vaşinqton Venesuela ordusunun əhvalını pozmaq üçün əlindən gələni edib. İndi də informasiya müharibəsinin bir hissəsi kimi saxta məlumatdan istifadə edir
23 yanvarda, Venesuelada Milli Məclisin özünü prezident elan edən sədri Xuan Quaydo dünən xalqı və ordunu küçələrə çıxmağa, çevriliş etməyə, hələ də hakimiyyətdən getmək istəməyən Maduronu devirməyə çağırıb. Qeyri-rəsmi məlumatlara görə, dünən Maduro tərəfdarları ilə Quaydonu dəstəkləyən bir qrup əsgər arasında baş verən qarşıdurmalarda 71 nəfər yaralanıb.
