Türkiyədə həmkarlar ittifaqları Beynəlxalq Əmək gününü qeyd edir. Foto: Anadolu Agentliyi

Türkiyənin İstanbul şəhərində polis 1 May Beynəlxalq Əmək günü münasibətilə yürüş etmək istəyənlərə mane olub.

Sputnik yazır ki, hazırda Taksim meydanına gedən yollar bağlanılıb. Beşiktaş və Mecidiyeköydən Taksimə doğru yürüş etmək istəyənlər polis tərəfindən saxlanılıb.
İndiyə kimi müxtəlif həmkarlar ittifaqının üzvü olan 12 nəfər saxlanılıb.

İstanbulun yeni bələdiyyə sədri Əkrəm İmamoğlu isə səhər saatlarında “Twitter” hesabında 1 May ilə bağlı belə yazıb:

Bölüşsək, tox, bölünsək, yox olarıq. Yunus Əmrənin dediyi kimi, bölüşməyi öyrənəcəyimiz, haqq, hüquq, ədalətin işçilər də daxil olmaqla bütün bəşəri əhatə edəcəyi 1 Maylara…

  • Hər il 1 May Beynəlxalq Əmək günü Türkiyənin müxtəlif yerlərində yürüyüş və mitinqlərlə qeyd edilir.