Sabiq Milli Təhlükəsizlik Nazirliyinin həbsdə olan əməkdaşlarından daha birinin cəzası azaldılıb.
Azadlıq radiosu yazır ki, Ali Məhkəmənin qərarına əsasən nazirliyin Nəqliyyat və Energetika Sahələrində Təhlükəsizlik Baş İdarəsinin tabeliyindəki idarələrdən birinə rəhbərlik etmiş Akif Əliyevin cəzası 1 il azaldılaraq, 4 ilə endirilib.
Qərara əsasən, A.Əliyevin ittiham olunduğu maddələri də dəyişib.
Nə baş verib: 2015-ci ilin oktyabrında MTN-də keçirilmiş əməliyyat nəticəsində nazirliyin 21 əməkdaşı cinayət məsuliyyətinə cəlb olunub. Onlara 3 ildən 14 ilədək həbs cəzası verilib. Bakı Apellyasiya Məhkəməsi daha sonra onlardan bir neçəsinin həbs cəzasını azaldıb. Həbs olunan sabiq MTN-çilərdən bir qismi artıq azadlığa buraxılıb.
