Türkiyə Ali Seçki Şurası (YSK) martın 31-də baş tutan bələdiyyə seçkilərinin İstanbuldakı nəticələri ilə bağlı etirazlara baxıb.
Anadolu Agentliyi yazır ki, qurumun qərarına əsasən İstanbuldakı nəticələr ləğv edilib. Bu şəhərdə bələdiyyə seçkiləri iyunun 23-ü baş tutacaq.
Nə baş verib: Seçkinin nəticələrinə əsasən bu şəhərdə bələdiyyə sədri vəzifəsini ana müxalifət partiyası CHP-dən olan namizəd Əkrəm İmamoğlu qazanıb. Seçkidən sonra YSK etirazları müzakirə etdiyinə görə onun vəzifəsinin icrasına başlamaq üçün lazım olan sənəd – mazbata seçkidən 17 gün sonra verilib.
