İstanbulda iyunun 23-ü yenidən baş tutacaq Bələdiyyə seçkisində iştirak etmək istəyən vətəndaşlar həmin gün üçün əvvəlcədən planlaşdırdıqları istirahətlərini təxirə salır.
Reuters yazır ki, turizm şirkətləri müştərilərinin 90 faizinin rezervasiyalarını təxirə saldığını və ya ləğv etdiyini bildirir.
Məlumata görə, hətta bəzi turizm şirkətləri özləri vətəndaşlarla əlaqə saxlayaraq tətil planları ilə bağlı qərarlarını soruşmalı olublar.
Hesablamalara görə, 23 iyun seçki günü olmasa idi, həmin gün 500 min nəfər avtobus və ya təyyarə ilə şəhəri tərk edəcəkdi. Ancaq artıq onların 90 faizinin rezervasiyası təxirə salınıb. Tətili təxirə salmaqda hava yolu şirkətləri, otellər və turizm şirkətləri də vətəndaşlara dəstək verir. Hətta turizm bölgələrinin bələdiyyələri də sosial mediadan vətəndaşlara 23 iyunda tətilə gəlməyib, səs vermələri üçün çağırış edir.
23 Haziran’da “Demokrasi Tadilatı” nedeniyle bir günlüğüne kapalıyız 🚧#HerŞeyÇokGüzelOlacak pic.twitter.com/R6NeXdRUL9
— Edremit Belediyesi (@EdremitBelediye) May 7, 2019
- 31 martda keçirilən bələdiyyə seçkilərində CHP-nin namizədi Əkrəm İmamoğlu ilə AKP-dən olan namizəd Binəli Yıldırım arasında 0.1 faiz səs fərqi olub.
