Culian Assanc. Foto: Reuters / screenshot

“WikiLeaks” saytının təsisçisi Culian Assancın şəxsi əşyaları və sənədlərini Ekvador səfirliyi ABŞ-a göndərir.

Ötən ay Ekvador səfirliyində həbs olunan və məhkəmənin 50 həftə azadlıqdan məhrum etdiyi C.Assancın ABŞ-a ekstradisiya təhlükəsi var.

Hələ də Londondakı Ekvador səfirliyində olan əşyalar arasında mobil telefonlar, yaddaş kartları və jurnalistin başqa informasiya daşıyıcıları var.

Assancın vəkili Karlos Povede mayın 20-də jurnalistin yaşadığı otaqda axtarış aparılacağı barədə məlumatlandırılıb. Jurnalistin ikinci vəkili Baltasar Qarson deyir ki, Ekvador sığınacaq verilməsi institutunu tamamilə pozub.

Bu gün həm də İsveç məhkəməsi Culian Assancın ittiham olunduğu seksual zorakılıq iddiaları barədə yenidən istintaq başladılıb-başladılmaması haqda qərar çıxaracaq.

Nə baş verib: 2010-cu ildə seksual zorakılıqda ittiham edilən C.Assanc əvvəl Londonda saxlanılıb, məhkəmə qərarı ilə sərbəst buraxılıb. 2012-ci ildə Londondakı Ekvador səfirliyində sığınacaq alıb. 2017-ci ildə isə İsveç 7 il davam edən seksual zorakılıqla bağlı istintaqın dayandırıldığını açıqlayıb.

Şərhini yaz

Şərhinizi yazın
Adınızı daxil edin