İllustrasiya: mikroskop media

162 saylı məktəbin intihar edən şagirdi Elina Hacıyevanın anası Sevil Hacıyevanın vəkilləri Sevinc Əliyeva, Azər Nağıyev və Emin İsayev istintaqın gedişi ilə bağlı birgə bəyanat veriblər.

Modern.az yazır ki, vəkillər Elinanın nənəsi Solmaz Ələsgərovanın onlardan narazılığı haqqında danışıb:

Peşəkar hüquqşünaslar kimi bütün məsuliyyətimizlə deyə bilərik ki, Xalidə Bayramovanın məhz cinayət məsuliyyətinə cəlb edilməsi üçün hazırda iş üzrə əlimizdə hər hansı bir əsas və sübut yoxdur. Lakin, buna əsas verən hər hansı halı müəyyən etməyə müvəffəq olduğumuz halda tutduğu vəzifədən asılı olmayaraq bu hadisədə təqsiri olan istənilən şəxsin cinayət məsuliyyətinə cəlb edilməsi üçün əlimizdən gələni əsirgəməyəcəyik

Vəkillər deyir ki, hadisədən cəmi 1 ay 10 gün keçib və bu müddət həyəcan təbili çalmaq üçün tezdir. Həkimlərin məsuliyyətə cəlb olunması məsələsi isə tibbi ekspertizanın nəticələri məlum olduqdan sonra qaldırılacaq.

Nə baş verib: Nə baş verib: Aprelin 4-də 162 nömrəli orta məktəbin şagirdi Elina Hacıyeva özünü məktəbin 3-cü mərtəbəsindən yerə atıb. Aprelin 6-da, Elina Hacıyeva vəfat edib və Bakı şəhəri Səbail rayon prokurorluğunda Cinayət Məcəlləsinin 125-ci maddəsi ilə cinayət işi başlanıb.