Bu gün Bakı Ağır Cinayətlər Məhkəməsində Narkoloji Mərkəzdə baş verən yanğınla bağlı həbs edilən şəxslərin cinayət işi üzrə məhkəmə iclası başa çatıb.
Report yazır ki, hakim Azər Paşayevin sədrliyi ilə keçirilən prosesdə mərkəzin direktoru Telman Məmmədhəsənova, mərkəzin işçisi Mahir Abdullayevə, yanğını törətməkdə təqsirləndirilən Məhəmməd Məmmədova və onun həkimi, şöbə müdiri Afət Məmmədovaya hökm oxunub.
- T.Məmmədhəsənov 4 il,
- M.Abdullayev 3 il 6 ay,
- M.Məmmədov isə ömürlük azadlıqdan məhrum edilib.
- A.Məmmədova 5 il müddətinə azadlıqdan məhrum olunub və ona Cinayət Məcəlləsinin 70-ci (şərti) maddəsi tətbiq edilməklə şərti cəza verilib.
Nə baş verib: Bu ilin 2 martında Respublika Narkoloji Mərkəzində yanğın baş verib. Nəticədə 25 nəfər həlak olub. Hadisə ilə bağlı saxlanılanlar arasında Mərkəzin şöbə müdiri Azad Ələkbərov da olub. Ancaq səhhətində problemlər olduğundan onun cinayət işi ayrıca icraata verilib. O, daha sonra vəfat edib.
