NİDA Vətəndaş Hərəkatının fəalı Qiyas İbrahimov bu gün məhkəmə qərarında olan ekspertiza xərcini qəpiklə ödəyib.
Fəal bu barədə Azadlıq Radiosuna deyib ki, mayın 10-da yaşadığı ünvana Bakı Şəhər Nizami Rayon İcra və Probasiya Şöbəsindən xəbərdarlıq məktubu gəlib.
Bildirişdə məhkəmə qərarına əsasən, Q.İbrahimovun dövlət büdcəsinə 73 manat ekspertiza xərclərini ödəməli olduğu yazılıb. Bildirilib ki, tələb 10 gün müddətində könüllü icra olunmalıdır.
Fəal məhkəmə qərarını qanunsuz saysa da, orada göstərilən ekspertiza xərcini ödəmək qərarına gəlib:
2 gün davam edən aksiya uğurla başa çatıb və 78 manat 40 qəpik pul yığılıb. Artıq qalan pul digər qanunsuz cərimələnənlərin “qəpik aksiyaları”na veriləcək
Nə baş verib: 2016-cı ilin mayın 10-da Q.İbrahimov digər fəal Bayram Məmmədovla birgə saxlanıb. Məhkəmə qanunsuz narkotik maddə dövriyyəsi ittihamı ilə onların hər birini 10 il azadlıqdan məhrum edib. Onların hər ikisi bu ilin martında imzalanan əfv sərəncamı ilə azadlığa buraxılıblar.
