Gəncə hadisələrinə görə həbs olunmuş Aydın Qurbanovun səhhəti pisləşib.
Onun həyat yoldaşı Məhbubə Qurbanova Azadlıq Radiosuna deyib ki, dünən Penitensiar Xidmətin Müalicə Müəssisəsinə gedib və bu barədə ona A.Qurbanov özü məlumat verib:
Müalicə Müəssisəsinə dərman aparanda 3-4 dəqiqəlik yoldaşımla görüşə bildim. Mənə dedi ki, həkim ona mədə xərçəngi diaqnozu qoyub və artıq metastaz verdiyini bildirib. Bizə heç nə demirlər. Vaxtında onu müayinə etsəydilər, belə ağır nəticələr olmazdı
Nə baş verib: A.Qurbanov ötən il iyulun 28-də Gəncə hadisələrinə görə həbs olunub. O, Cinayət Məcəlləsinin 228.3-cü (Qanunsuz olaraq odlu silah əldə etmə, başqasına vermə, satma, saxlama, daşıma və gəzdirmə – Qabaqcadan əlbir olan bir qrup şəxs tərəfindən törədildikdə) maddəsi ilə ittiham edilir.
İki aya yaxındır ki, onun səhhətində problemlər yaranıb.
