Donald Tramp. Foto: Kevin Dietsch / EPA

ABŞ prezidenti Donald Tramp ölkə firmalarının “ABŞ-ın milli təhlükəsizliyini təhdid edən” ölkələrdən telekommunikasiya avadanlıqları əldə etməsini qadağan edən fərman imzalayıb.

Ağ Evin mətbuat katibi Sara Sandersin bu barədə yazılı açıqlamasında deyilir ki, D.Tramp ABŞ-ın telekommunikasiya şəbəkəsini qorumaq məqsədilə milli fövqəladə vəziyyət elan edib.

Fərmanda hərhansı bir ölkənin adı keçməsə də, D.Trampın əsas hədəfinin Çinin “Huawei” firması olduğu hesab edilir.

Şirkətin D.Trampın bu addımından sonra yaydığı bəyanatda bildirilir ki, ABŞ-dakı “əsassız məhdudiyyətlər” onların hüquqlarını pozur:

Belə tədbirlər ABŞ-da təhlükəsizliyi yaxşılaşdırmayacaq, əksinə, texnologiyaların keyfiyyətinə mənfi təsir edəcək. “Huawei”in fəaliyyətinin məhdudiyyəti ona gətirib çıxaracaq ki, istehlakçılar seçimdə məhdudlaşdırılacaq və onlara keyfiyyətsiz, daha bahalı alternativlərdən istifadə etmək lazım gələcək

Şərhini yaz

Şərhinizi yazın
Adınızı daxil edin