Nikol Paşinyan. Foto: Reuters

Yerevanda “Ədalətli məhkəmə adına!” şüarı altında aksiya keçirən vətəndaşlar bu gün səhər saatlarından Yerevanda məhkəmə binalarına giriş və çıxışı bağlayıblar. Onlar Ermənistanın keçmiş prezidenti Robert Koçaryanın zaminə buraxılmasına etiraz edirlər.

Hazırda baş nazir Nikol Paşinyan da Yerevanın Mərkəz rayonundakı məhkəmə binasının qarşısına toplaşan etirazçılara qoşulub.

Baş nazir yerli vaxtla saat 12-də məhkəmə sistemi ilə bağlı çıxış edəcək.

Nə baş verib: Mayın 18-də Robert Koçaryan barəsində həbs qətimkan tədbiri ləğv edilib və o, zaminə buraxılıb. Mayın 19-da ölkənin baş naziri Nikol Paşinyan vətəndaşlara müraciət edərək bütün məhkəmə binalarının giriş və çıxışını bağlamağa çağırıb.