Foto: HBO

Çinlilər “Game of Thrones”un (“Taxt oyunları”) bütün dünyada maraqla gözlənilən final seriyasını izləyə bilməyiblər.

Guardian yazır ki, buna səbəb ABŞ ilə Çin arasındakı “ticarət müharibəsi”nin qızışmasıdır.

Serialın yayımlanmasından 1 saat əvvəl 2014-cü ildən bəri Çində kabel şəbəkəsinə  nəzarət edən “Tencent” şirkətindən çinli istifadəçilərə mesaj göndərilib. Mesajda bildirilib ki, kabel vasitəsilə ötürülmədə problemlər var.

Şirkətin “Weibo” sosial şəbəkəsindəki hesabında da bu barədə məlumat paylaşılıb:

Biz sizə başqa yayım vaxtı haqqında məlumat verəcəyik

Serialın yayımlandığı HBO kanalının nümayəndəsi isə “Wall Street Journal”a deyib ki, serial texniki səbəblər üzündən bloklanmayıb, “Tencent” onun Çində yayımlanmasına qəsdən mane olub.

Baş verənlərdən sonra çinlilər ölkənin ən böyük sosial mediası olan “Weibo”da etirazlarını dilə gətiriblər. Onlar aylıq abunə haqqlarının geri qaytarılmadığı təqdirdə “Tencent” hesablarını ləğv edəcəklərini bildiriblər.

  • “Game of Thrones”un final seriyası bazar günü yayımlanıb və təkcə ABŞ-da 19.3 milyon nəfər tərəfindən izlənilərək rekord qırıb.

Şərhini yaz

Şərhinizi yazın
Adınızı daxil edin