“Meydan TV”nin əməkdaşı, hazırda Avropada yaşayan Orxan Məmmədovun ölkədən çıxışına qoyulan yasaq götürülüb.
Bu barədə ona Baş Prokurorluğun Ağır Cinayətlərə Dair İşlər Üzrə İstintaq İdarəsindən məktub gəlib.
Məlumatı jurnalist öz “Facebook” səhifəsində paylaşıb.
Dünən isə reper Camal Əlinin qardaşı Vüqar Əlinin ölkədən çıxış qadağası ləğv edilib.
Daxili İşlər Nazirliyinə yenidən şikayət etdim ki, mənim işimə bir də baxsınlar. Bundan öncə dəfələrlə mən və vəkilim yazsaq da, heç bir cavab gəlməmişdi. Bugün isə DİN əməkdaşı zəng edərək onlar tərəfindən hər hansı bir məhdudiyyətin olmadığını və ölkədən çıxa biləcəyimi bildirdi
, – deyə Vüqar Əli sosial şəbəkədə yazıb.
Nə baş verib: Meydan TV internet resursu ilə əməkdaşlıq edən bir qrup jurnalistə qarşı cinayət işi ilə əlaqədar ölkədən çıxış qadağası tətbiq edilib. Bu illər ərzində 10-dan çox jurnalist vaxtaşırı Baş Prokurorluğa dindirməyə çağırılıb, burada onlardan Meydan TV-nin maliyyələşmə mənbəyini açıqlamaları tələb olunub.
Daha kimlərin “stop”u götürülüb: Aynur Qəmbərova (Elgünəş), Natiq Cavadlı, İzolda Ağayeva, Səlimə Cəlilova, Sevinc Abbasova, Aytac Əhmədova, Aytən Fərhadova və yazar Rasim Qaracanın ölkədən çıxış qadağası ləğv edilib.
