Dünən başlayan Avropa Parlamenti (AP) seçkiləri Avropa Birliyinin gələcəyini təhlükə altında qoya bilər.
Euronews yazır ki, Avropa Birliyinin əleyhinə olan populist və ifrat sağçı partiyalar yüksəlişə keçib. Sağ mərkəzçi və sol mərkəzçi partiyalar isə səs itirir.
“Europe Elects”in ilkin sorğularına görə, Böyük Britaniyanın Brexit Partiyası 28, İtaliyanın 5 Ulduz Hərəkəti və müttəfiqləri isə 25 yer qazanacaq. Beləliklə, bu 2 partiya ilk dəfə AP-də təmsil olunacaq.
Ən böyük itki ilə sağ mərkəzçi Avropa Xalq Partiyası (EPP) üzləşəcək. 2014-cü ildə 221 yer qazanan partiyanın bu dəfə cəmi 173 millət vəkili ilə təmsil olunacağı gözlənilir. İkinci ən böyük zərbə isə sol mərkəzçi Sosial Demokratlara (S&D) dəyəcək. “Europe Elects” onların 39 yer itirərək parlamentə cəmi 152 millət vəkili daxil edə biləcəyini bildirir.
Seçkilər sorğulara uyğun nəticələnsə, Avrupanı daha da parçalanmış bir parlament gözləyir.
Nə baş verib: 23-26 may tarixlərində keçiriləcək seçkilərdə Avropa Birliyinin üzvü olan 28 ölkədə təxminən 400 milyon seçicinin iştirakı ilə Avropa Parlamentinin (AP) 751 üzvü müəyyənləşdiriləcək.
Seçki ilkin olaraq Britaniya və Niderlandda başlayıb. Seçkilər bu gün İrlandiya və Çexiyada, sabah isə Latviya, Malta və Slovakiyada baş tutacaq.
