Səxavət Məmməd. Foto: Facebook

Bu gün Ağdam Rayon Məhkəməsinin qərarı ilə “Yeniçağ” saytının müxbiri Səxavət Məmməd 10 sutka inzibati cəza alıb.

Jurnalistin həbsinə səbəb onun 3 min manat məbləğində aliment borcu olmasıdır. Jurnalist borcu ödəyəcəyini bildirsə də, məhkəmə onun barəsində inzibati həbs qərarı çıxarıb.

“Yeniçağ” da məlumatı təsdiqləyib:

Səxavət Məmməd məhkəmədə də, ötən həftənin sonunda da alimentin yarısını ödəməyə hazır olduğunu bildirmişdi. Ancaq keçmiş həyat yoldaşının birgə yaşadığı valideyinləri evlərini dəyişdiyindən onları tapa bilməyib. Bu gün də məhkəmədə alimenti verməyə hazır olduğunu söyləsə də, nəzərə alınmayıb

İddia olunur ki, jurnalistin həbsinin əsl səbəbi onun Baş Qərargah rəisi Nəcməddin Sadıqov haqqında yazdığı “Trollara cavab: Qələbə üçün ilk zərurət – Nəcməddin Sadıkov yerinə hansı fərarini gətirir?” başlıqlı məqaləsidir.