Müsavatçıların həbsi. Foto: Səxavət Soltanlı

Müsavat Partiyasının bu gün Azərbaycan Xalq Cümhuriyyətinin (AXC) 101 illiyi ilə bağlı keçirdiyi tədbirdən öncə 4 üzvü saxlanılıb.

Partiyanın başqan müavini Səxavət Soltanlı Mikroskop-a deyib ki, tədbir başlayan ərəfədə Vüqar Rzalı, Vüqar Həsənov, Nicat Rüstəmzadə və İlqar İbrahimov saxlanılaraq Abşeron Rayon Polis İdarəsinə aparılıb. S.Soltanlı onların hər birinin partiyanın Cəlilabad rayon təşkilatının üzvləri olduğunu bildirib.

Nə baş verib: Müsavat Partiyası bu gün Məhəmməd Əmin Rəsulzadənin Bakının Novxanı kəndindəki heykəli önündə AXC-nin 101 illiyi ilə bağlı tədbir keçirib. Tədbirdə partiya rəhbərliyi və üzvlər iştirak edib.

Müsavat Partiyası Rəsulzadənin heykəli önündə Cümhuriyyətin 101 illiyini qeyd edir

Posted by Mikroskop Media on Tuesday, May 28, 2019