Süheyla Kaplan. Foto: Twitter

Türkiyə prezidenti Rəcəb Tayyib Ərdoğan haqqında sosial şəbəkədə paylaşımlar edən Almaniya vətəndaşı jurnalist Süheyla Kaplan haqqında istintaq başladılıb.

DW Türkçə yazır ki, istintaq jurnalistin Twitter hesabından etdiyi 3 paylaşım səbəbilə başlanıb.

O, prezidenti təhqir etmək və terror təbliğatı ilə məşğul olmaqda ittiham edilir.

Paylaşımlar nə haqdadır:

  • Hakimiyyətyönlü medianı tənqid edən karikatura,
  • Afrin əməliyyatı,
  • “Tamam kampaniyası” ilə bağlı xəbər

Bütün paylaşımlar 2018-ci ildə edilib.

Paylaşımlarıma görə peşman deyiləm, deyən jurnalist Almaniyada ifadə vermək istəyir:

Türkiyəyə getsəm, həbs edilə bilərəm. Hakim qarşısına çıxarılmağım aylarla vaxt ala bilər. Bu isə uzun müddət həbsdə qala biləcəyim mənasına gəlir. Mən bu prosesi demokratik, məhkəmə sisteminin müstəqil olduğu bir ölkədə keçə bilərəm. Türkiyədə isə məhkəmə sistemi Ərdoğanın idarəçiliyi altındadır. Ona görə də, ifadəmi yaşadığım Hamburq şəhərindəki prokurorluqda vermək istəyirəm