"Çernobıl" serialından bir səhnə. Foto: HBO

Dünyanın ən böyük kinematoqrafiya saytı IMDb-də ilk sırada HBO istehsalı olan “Çernobıl” serialı qərarlaşıb.

Uzun müddət idi ki, ilk sırada elə eyni şirkətin istehsalı olan “Game of Thronse” serialı idi.

5 hissəli serialın bu gün yayımlanacaq sonuncu seriyasının treyleri də artıq yayımlanıb.

Serialı çəkən komanda düşünür ki, Çernobıl faciə film deyil, insanlıq tarixidir.

Serial Litva və Ukrayna ərazisində çəkilib. Litva ona görə seçilib ki, orada hələ də Sovet dövründə tikilən binalar qalır və orada yerləşən İnqal Atom Elektrik Stansiyasına giriş icazəsi verilib. Hadisənin baş verdiyi Pripyat şəhərindəki səhnələrin çəkilişi isə Litvanın paytaxtı Vilnüsün rayonlarından birində baş tutub. Sonuncu seriyanın çəkilişləri Ukraynanın paytaxtı Kiyevdə olub.