AXCP fəalı Orxan Baxışlı məhkəməyə gətirilir. Foto: Azadlıq qəzeti

Ali məhkəmənin qərarı ilə AXCP Gənclər Komitəsinin Ali Məclis üzvü Orxan Baxışlının cəzası 6 ildən 3 ilə endirilib.

Bu barədə partiya fəalları məlumat yayıb.

Orxan Baxışlı kimdir: Partiya fəalı Orxan Baxışlı 2018-ci il mayın 7-də axşam saatlarında Elmlər Akademiyasının qarşısındakı bağda mülki geyimli şəxslər tərəfindən saxlanılıb. Ona Cinayət Məcəlləsinin 234.4.3 maddəsi ilə (Qanunsuz olaraq narkotik vasitələri, psixotrop maddələri və ya onların prekursorlarını hazırlama, saxlama, daşıma, göndərmə və ya satma-külli miqdarda törədildikdə) ittiham irəli sürülüb. 2018-ci il sentyabrın 18-də Bakı Ağır Cinayətlər Məhkəməsinin hökmü ilə 6 il azadlıqdan məhrum edilib.