ABŞ prezidenti Donald Trampın Böyük Britaniyaya rəsmi səfəri etirazların kölgəsində qalıb.
D.Trampın səfərinin ikinci günündə də paytaxt Londonda onun əleyhinə aksiyalar keçirilib. Parlament Meydanına doğru yürüş edən aksiya iştirakçıları artıq etirazların simvoluna çevrilən “Tramp şar”larını havaya qaldırıb.
Aksiyaların paytaxtla yanaşı Mançester, Birminhem və Belfast kimi böyük şəhərlərdə də keçirilməsi gözlənilir.
Etirazların əsas səbəbi onun iqlim dəyişikliyi və miqrasiya siyasətidir. Bununla bağlı heç bir açıqlama verməyən D.Tramp bu gün Böyük Britaniyanın baş naziri Tereza Meyin dəvəti ilə yeməyə qatılıb.
