Çində müxalifət qüvvələrinin asanlıqla həbsinə şərait yaradan yeni qanun layihəsi Honkonqda etiraz aksiyalarına səbəb olub.
BBC yazır ki, xalqın “Şeytan layihəsi” adlandırdığı qanuna etiraz edən yüzlərlə etirazçı küçələrə axın edib. Təşkilatçılar bazar günü 1 milyon insanın küçələrə çıxdığını bildirsə də, Çin polisi bu rəqəmin 240 min olduğunu deyir.
Çin dövlət mediasının arxasında xarici qüvvələrin dayandığını dediyi aksiyalarda qarşıdurma zamanı 3 polis və 1 jurnalist yaralanıb.
Honkonq lideri Kerri Lam isə qanun layihəsini dəstəkləməyə davam edir və bu gün jurnalistlərə açıqlamasında deyib ki, bu qanun zəruridir.
Yeni qanun nə deyir: Qanun layihəsi cinayət və təcavüz kimi ittihamlarla Honkonqda saxlanılan şüphəlilərin Çin, Tayvan və Makaoya ekstradisiya olunmasına imkan verəcək. Layihədə siyasi və ya dini əsaslarla saxlanılanların ekstradisiyasının nəzərdə tutulmadığı iddia olunur.
Qanuna niyə etiraz olunur: Etirazçılar Böyük Britaniyanın keçmiş koloniyası olan Honkonqun Çinin məhkəmə sisteminə uyğunlaşmasından ehtiyat edirlər. Onlar xüsusilə müxalif şəxslərin Çin həbsxanalarında işgəncəyə məruz qalacağından, həmçinin Honkonqdakı məhkəmələrin müstəqilliyinə kölgə düşəcəyindən narahatdılar.
