Vladimir Putin və Tatyana Moskalkova. Foto: kremlin.ru

Rusiya Federasiyasının İnsan hüquqları üzrə müvəkkili (Ombudsman) Tatyana Moskalkova dünən ölkə prezidenti Vladimir Putinlə görüşdə həbs edilən araşdırmaçı jurnalist İvan Qolunovun məsələsini geniş müzakirə edib.

Bu mövzuda fikirlərimi və İvana şiddət tətbiq edilməsi ilə bağlı narahatlığımı dilə gətirdim. Məsələ ilə bağlı rəsmi istintaqın başladılmasını və prosesin prokurorluğun nəzarəti altında davam etdirilməsini istədim. Putin bu tələblərə müsbət cavab verdi

Bu arada Vəkil Sergey Badanşinin yaydığı məluma görə Qolunovun evində aparılan axtarış zamanı götürülən əşyaların üzərində onun barmaq izi yoxdur.

Nə baş verib: Meduzanın araşdırmaçı jurnalisti İvan Qolunov 6 iyunda saxlanılıb. Saxlanılan zaman ona qarşı təzyiq olsa da hələ də ekspertiza aparılmayıb. Nikulinskiy məhkəməsi İvan Qolunov barədə ittiham irəli sürüb. Jurnalist narkotik maddələri hazırlamaq və satmaqda ittiham edilir. İttiham təsdiqini taparsa, İvan Qolunovu 10 ildən 20 ilə qədər həbs cəzası gözləyir. “Meduza” isə əmindir ki, jurnalist peşə fəaliyyətinə görə həbs edilib.