Ali Məhkəmə Nardaran hadisələri ilə əlaqədar mühakimə olunmuş Əbülfəz Bünyadovun kassasiya şikayətini təmin etməyib.
İşə baxılan ərəfədə bir qrup hüquq müdafiəçisi, fəal və ziyalıların nümayəndəsi ölkə rəhbərliyinə müraciət edib. Onlar Ə.Bünyadovun vəziyyətinin ağır olmasını (əl-ayaq iflici, hepatit C, bağırsaq infeksiyası) əsas gətirərək onun azadlığa buraxılmasını xahiş edib.
Lakin məhbusun həyatına təhlükə olmasına baxmayaraq, o, azadlığa buraxılmayıb.
Nə baş verib: 2015-ci ilin noyabrında Nardaranda keçirilmiş xüsusi əməliyyat zamanı Ə.Bünyadovun aldığı güllə yarası onurğasını zədələyib. Yataq xəstəsi olmasına baxmayaraq, onu bir neçə ay həbsdə saxlayıblar. Sonradan həbs qətimkan tədbiri ev dustaqlığı ilə əvəzlənib. Lakin məhkəmə onu konstitusiya quruluşunun zorla dəyişdirilməsinə cəhd, terrorizm və s. ittihamlarla 15 il azadlıqdan məhrum edib.
