Culian Assancı dəstəkləyənlər bu gün məhkəmə binasının qarşısında aksiya keçiriblər. Foto: AFP / Tolqa Akmen

Hazırda Böyük Britaniyada yerləşən Belmarş həbsxanasında saxlanılan “WikiLeaks”in yaradıcısı Culian Assancın ABŞ-a ekstradisiyası ilə bağlı məhkəmə təxirə salınıb.

Sputnik yazır ki, növbəti məhkəmə prosesi 25 fevral 2020-ci ildə baş tutacaq.

C.Assanc tərəfdarları bu gün London Sülh Məhkəməsinin qarşısında aksiya keçiriblər. Onların əllərindəki afişalarda “Assanca azadlıq”, “Azadlığı və demokratiyanı müdafiə et” və s. şüarlar yazılıb.

Nə baş verib: Culian Assanc ABŞ-ın Ədliyyə Departamentinin hazırladığı 18 maddə üzrə ittihamla üz-üzədir. O, məxfi məlumatları yaymaq və dövlət kompüterindən məlumat sızdırmaqda günahlandırılır.

B.Britaniyanın daxili işlər naziri Sacid Cavid dünən C.Assancın ABŞ-a ekstradisiyası üzrə sənədi imzaladığını açıqlayıb. O, ekstradisiya üzrə yekun qərarın iyunun 14-də Britaniya məhkəməsi tərəfindən veriləcəyini deyib.

Şərhini yaz

Şərhinizi yazın
Adınızı daxil edin