Foto: 0eurobanknotes.eu

Üzərində Məhəmməd Əmin Rəsulzadə və Nuru Paşanın fotosu olan 0 avroluq əskinas çap edilib.

Suvenir Avro Əskinaslarının Yaradıcı Direktoru Kristian Peterman Mikroskop-a deyib ki, əskinas qurumun Türkiyə Departamenti ilə birgə Özgür Honca tərəfindən hazırlanıb.

Məhdud sayda – 10 min ədəd çap edilən əskinasın Azərbaycan və Türkiyədə, eləcə də onlayn satışı planlaşdırılır və qiyməti 8 avro olacaq.

K.Peterman deyib ki, bu, Azərbaycan mövzulu ilk əskinasdır və sonuncu olmayacaq. Gələcəkdə üzərində Heydər Əliyev və Məhəmməd Əmin Rəsulzadənin fotosu olan iki əskinası Özgür Honca Azərbaycan prezidentinə təqdim etməyi planlaşdırılır.

Foto: 0eurobanknotes.eu

Həmçinin “Azərbaycan Gran Prisi”, “UEFA Euro 2020” mövzulu əskinasların da hazırlanmağı nəzərdə tutulub.

Suvenir Avro Əskinaslar bir neçə il əvvəl Türkiyədə, Mustafa Kamal Atatürkün təsviri olan 0 avroluq əskinaslarla fəaliyyətə başlayıb. Yaradıcı Direktorun sözlərinə görə hazırda fəaliyyətlərini Avropa və qeyri-Avropa ölkələrində genişləndirirlər.

Xüsusi qeyd: Əskinas Avropa Mərkəzi Bankının istehsalı deyil.

Şərhini yaz

Şərhinizi yazın
Adınızı daxil edin