Turistlər bundan sonra pasportlarına möhür vurulmadan və qeyd olunmadan İrana səfər edə biləcəklər.
Anadolu Agentliyi yazır ki, bu barədə İran dövlətinin sözçüsü Əli Rəbii açıqlama verib.
Onun sözlərinə görə, prezident Həsən Ruhani bu barədə xüsusi göstəriş verib.
Məqsəd İrana gələn turistlərin ABŞ-ın sanksiyalarına görə problemlə üzləşməyinin qarşısını almaq və bu yolla turistlərin sayını artırmaqdır.
Pasportlara möhür vurulmaması ilə bağlı qayda qısa müddət ərzində ölkədəki bütün hava limanlarında tətbiq ediləcək.
