Tbilisidə parlamentin qarşısında keçirilən aksiyadan. Foto: Vakho Kareli

Gürcüstanın paytaxtı Tbilisidə parlament qarşısında keçirilən aksiyalar hələ də davam edir. Aksiya iştirakçıları ötən gecə bəyanat yayıb və tələblərini səsləndiriblər. Onlar hökumətə bu günə qədər vaxt verib və tələb edib ki, aksiyalarda həbs olunan 305 nəfər azadlığa buraxılsın, daxili işlər naziri istefa versin və növbədənkənar parlament seçkiləri keçirilsin.
Bu gün saat 14:0-a qədər tələblər yerinə yetirilməsə parlament qarşısında yenidən aksiya keçiriləcək.

Verilən vaxt artıq başa çatsa da hökumət etirazçıların tələbi yerinə yetirilməyib.

Gürcü gənclərdən ibarət “Azadlıq üçün” komandası da ötən gün bəyanat yayıb və beynəlxalq ictimaiyyətdən dəstək istəyib. Bəyanatda deyilir:

“Biz beynəlxalq ictimaiyyəti bizə dəstək olmağa çağırırıq:

  • Mediada küçələrdə təşkilatlanan insanların, bizim mesajımızı yaymağa kömək edin. Bizim qrupumuzla danışın və əslində nə istədiyimizi öyrənin

  • Bizim gürcü məhsullarının və turizminin sizin ölkənizdə tanıdılmağına ehtiyacımız var. Bizim yeməklər, şərablarla bağlı danışın. Mediada və social mediada Gürcüstana səfər barədə danışın və qeyd edin ki, bu səfər təhlükəsizdir. Gürcüstan turizminə beynəlxalq dəstək verin.

Sizin dəstəyinizə həmişəkindən daha çox ehtiyacımız var. Hər şeydən əlavə biz hamımız dünya vətəndaşıyıq, bizi təbiət ana dünyaya gətirib.
“Başqaları əziləndə heç kim azad deyil”

Nə baş verib: İyunun 20-də Parlamentlərarası Pravoslavlıq Assambleyasında Rusiya Kommunist Partiyasının nümayəndəsi Sergey Qavrilov Azərbaycanda səfərdə olan parlament sədri İrakli Kobaxidzenin yerində oturub. Bu, parlamentdə gürcü deputatların etirazına səbəb olub. Onlar rusiyalı nümayəndə heyətinin parlamentə buraxılmasına etiraz ediblər.
Bir qrup ictimai fəal və müxalifət partiyaların üzvü parlament qarşısında aksiya keçirib. Hadisələrlə əlaqədar olaraq Gürcüstanın parlament sədri İrakli Kobaxidze istefa verib.
Rusiya prezidenti Vladimir Putin Rusiya hava yolu şirkətlərinin Gürcüstana uçuşunu qadağan edib.