On minlərlə Türkiyə vətəndaşı İstanbul Böyükşəhər Bələdiyyə sədri seçkilərində iştirak etmək üçün tətili yarımçıq saxlayıb. Türkiyə Hava Yollarının icraçı direktoru Bilal Ekşi Twitter-də yazıb ki, sıxlığa görə xəttə 24 uçuş əlavə edilib. İstanbulun Esenler Avtovağzalında da sıxlıq müşahidə olunur.
İstanbul'daki seçim dolayısı ile gelen talepleri karşılamak üzere iç hatlarda İstanbul varış ve çıkışlı bugün 17, yarın 7 olmak üzere toplam 24 ilave sefer konulmuştur.
— Bilal EKŞİ (@BilalEksiTHY) June 22, 2019
İstanbulda 10 milyon 500 min seçici var və sakinlər ancaq qeydiyyatda olduğu şəhərdə səs verə bilər.
Nə baş verib: Martın 31-i Türkiyədə keçirilən bələdiyyə seçkilərində İstanbul meri postuna CHP-dən olan namizəd Əkrəm İmamoğlu seçilib. Hakim Ədalət və İnkişaf Partiyasından (AKP) olan rəqibi Binəli Yıldırıma 0.1 faizlə səslə qalib gələn Ə.İmamoğlu çox qısa müddət vəzifəsini icra edib. Türkiyə Ali Seçki Şurasının mayın 6-da verdiyi qərara əsasən seçkilərin nəticələri ləğv edilib. İyunun 23-də ancaq İstanbulda mer vəzifəsinə seçkilər yenidən keçiriləcək.
