Eldəniz Ağayev. Foto: Facebook / şəxsi arxiv

Bu gün Yasamal Rayon Məhkəməsinin qərarı ilə Azərbaycan Xalq Cəbhəsi Partiyasının (AXCP) fəalı Eldəniz Ağayevə 30 sutka inzibati həbs cəzası verilib.

Turan yazır ki, bu barədə AXCP-dən bildirilib.

Məlumata görə, E.Ağayevi iyunun 24-də iş yerindən aparılıb və onun barəsində İnzibati Xətalar Məcəlləsinin 535.1-ci maddəsinin (polisin qanuni əmrinə tabe olmamaq) pozulmasına dair protokol tərtib edilib. Partiya hesab edir ki, fəalın həbsi onun sosial şəbəkələrdə çox fəal olması ilə bağlıdır.