Foto: Pinterest

Corc Oruel kimdir: XX əsr İngilis ədəbiyyatının ən məşhur yazıçılarından biridir. Mətnlərindəki dəqiqlik, ictimai ədalətsizliyə qarşı maarifləndirmə və totalitarizmə qarşı mübarizə onun əsərlərinin əsas xüsusiyyətlərindən biridir.

1

Gənc Corc Oruel kollecdən məzun olandan sonra atasının istəyi ilə polis təşkilatına daxil olub. Bu dövrdə Böyük Britaniyanın müstəmləkəsi olan Birmaya göndərilib. Orada təhlükəli tropikal xəstəliyə tutulandan sonra geri qayıdır və bundan sonra yazıçı olmağa qərar verir.

2

Oruel kollecdə oxuyarkən yola gedə bilmədiyi şagirdlərdən birinə cadu edir. Təsadüfən həmin şagirdin öncə ayağı sınır, sonra isə qan xərçənginə yaxalanır və ölür. Oruel ömrünün sonuna kimi həmin gənci cadu ilə öldürdüyünə inanır və buna görə vicdan əzabı çəkir.

3

”Soyuq müharibə” ifadəsindən ilk dəfə Oruel istifadə edib.

4

1936- 1937-ci illərdə Oruel İspaniya vətəndaş müharibəsində iştirak edib. Snayperlə boynundan vurulan Oruel uzun müddət müalicə alıb.

5

Yazıçı ən məşhur kitabı “1984”ə ad seçəndə xeyli çətinlik çəkib. Onun kitab üçün nəzərdə tutduğu ilk ad “The Last Man in Europe” (“Avropadaki son adam”) olub.

6

Yazıçı kitabdakı hadisələrin baş verdiyi il barədə də uzun müddət qərarsız qalıb. O, əvvəlcə hadisələrin 1980 və ya 1982-ci illərdə cərəyan etməsi barədə düşünsə də, sonradan 1984-cü ilə qərar verib.

7

Yazıçı “1984” əsəri üzərində işlədiyi ərəfədə vərəmə yoluxub.

8

Oruel kitabındakı siyasi baxışları fərqli ölkələrdən ilham alaraq formalaşdırıb. O, sosialist idi və Stalinə müxalif kimi tanınırdı. Kitabda tənqid etidiyi siyasi fikirlərin çoxu Sovet Sosialist Respublikaları İttifaqını hədəf alıb. Həmçinin, “Kempeitai” adlandırılan yapon gizli polis təşkilatının “vətənpərvər olmayan fikirlərə malik” insanları həbs etməsindən ilhamlanıb “fikir cinayəti” qavramını inkişaf etdirib.

Şərhini yaz

Şərhinizi yazın
Adınızı daxil edin