Gürcüstan Parlamentinin qarşısında oturaq aksiya keçirən nümayişçi. Foto: AP / Zurab Tsertsvadze

Tbilisidə iyunun 20-də Gürcüstan parlamentinin binası qarşısında keçirilən kütləvi aksiya zamanı saxlanılan 41 nəfər azadlığa buraxılıb.

Report yazır ki, saxlanılan şəxslər 4 günlük inzibati həbs cəzası çəkdikdən sonra Tbilisi Apellyasiya Məhkəməsinin qərarına əsasən məhkəmə zalından sərbəst buraxılıblar.

İyunun 20-də keçirilən kütləvi aksiya zamanı 305 nəfər saxlanılıb. Tbilisidə davam edən kütləvi etiraz aksiyalarının tələblərindən biri həmin şəxslərin hamısının azadlığa buraxılmasıdır.