Yaponiyanın Osaka şəhərində keçirilən Böyük İyirmiliyin (G20) sammitində ABŞ prezidenti Donald Tramp rusiyalı həmkarı Vladimir Putinlə görüşüb.
Euronews yazır ki, liderlər görüşdən öncə mətbuat konfransı keçirib.
Rusiyanın ABŞ seçkilərinə müdaxilə etməsi ilə bağlı mövzunu gündəmə gətirəcəksiniz?
sualına Tramp “Bəli, əlbbəttə” cavabını verib. Daha sonra o, üzünü Putinə tutaraq
Seçkilərimizə müdaxilə etmə!
, deyib. Trampın bu sözlərinə Putin gülümsəməklə cavab verib.
Liderlər nə barədə danışıb: Rusiya prezidentinin köməkçisi Yuri Uşakov görüşdən bir neçə gün əvvəl mətbuata verdiyi açıqlamada danışıqların bir saatadək çəkəcəyini deyib. Ağ Ev isə bu müddətin 90 dəqiqəyə qədər uzana biləcəyini açıqlayıb. Liderlərin İran, Ukrayna, Suriya və ümumilikdə Orta Şərqdəki vəziyyəti və ikitərəfli münasibətləri müzakirə edəcəkləri bildirilib.
