Müsavat Partiyasının qərargahında keçirilən xeyriyyə tədbirinə polis müdaxilə edib. “Həmrəylik Marafonu” adı ilə keçirilən tədbir dayandırılıb.
Mikroskop-un hadisə yerində olan əməkdaşı xəbər verir ki, təşkilatçılar tədbiri başqa vaxt keçirməyə qərar verib.
Nə baş verib: Bu gün Müsavat Partiyasının qərargahında hakimiyyət tərəfindən qanunsuz cərimələnmiş hesab olunan şəxslərin həmin məbləği ödəməsinə yardım etmək üçün “Həmrəylik Marafonu keçirilib”. Saat 12:00-dan 18:00-a qədər davam etməsi planlaşdırılan tədbirə polis müdaxilə edib. AXCP sədri Əli Kərimli, partiya fəalı Ruslan Əmirov və tədbiri işıqlandıran Nurlan Qəhrəmanlı saxlanılıb. Əli Kərimlinin Binəqədi Rayon Polis İdarəsinə aparıldığı bildirilir.
