Bilal Həsən səfirlik və konsulluq əməkdaşları ilə. Foto: Şəxsi arxiv / facebook

Ukraynanın Odessa hava limanında saxlanılan yazıçı və araşdırmaçı Bilal Həsən sərbəst buraxılıb. Bu barədə yaydığı məlumatda deyib ki, problem Azərabycanın Ukraynadakı səfirlik və konsulluq əməkdaşlarının iştirakı ilə həll olub:

Azərbaycanın Ukraynadakı səfiri Azər Xudiyev, konsul Hüseyn Mərcanov, Azərbaycan Dəmiryolları Ukrayna nümayəndəliyinin rəhbəri Natiq Nağıyev, Odessa-Azərbaycan Konqresinin sədr müavini Namiq Talıbov və Konqresin şöbə müdürü Anar Ağayev məni qarşıladılar, məsələnin çözülməsində yaxından iştirak etdilər. Səfirlik məlumat alandan sonra dərhal mənimlə əlaqə saxladı və bütün əlaqələrdən istifadə etdilər. Hazırda azadam!

Bilal Həsən kimdir: Bilal Həsən 1918.az layihəsinin həmtəsisçisi, Azərbaycan Xalq Cümhuriyyəti xronologiyası kitabının araşdırmaçı müəllifidir.

Nə baş verib: Ötən gün Bilal Həsən Ukraynanın Odessa hava limanında heç bir səbəb göstərilmədən saxlanılıb. Onun passportu əlindən alınıb, hüquqi yardım və tərcüməçi ilə təmin olunmayıb. 4 saata yaxın bu vəziyyətdə qaldıqdan sonra o, qənaətbəxş vəziyyətdə olmayan otağa salınıb. Ona 4 gün ərzində həmin otaqda qalacağı deyilib.

Şərhini yaz

Şərhinizi yazın
Adınızı daxil edin