İran və Fransa ikili vətəndaşlığı olan alim qadın İranda həbs edilib. Azadlıq Radiosu yazır ki, antropoloq və İran haqqında kitabların müəllifi olan Fariba Adelxah ötən ay naməlum ittihamlarla saxlanılıb. Dəqiq olmayan məlumatlara görə, onun həbsinin arxasında İslam İnqilab Keşikçilərəri Korpusu dayanır və alim casusluqda ittiham edilir.
İyulun 15-də Fransa Xarici İşlər Nazirliyi ona yubanmadan konsul xidməti verilməsinə çağırıb. Fransa XİN hazırda alimin vəziyyəti və başqa təfərrüatlar barədə məlumat əldə etməyə çalışır, amma hələlik İran tərəfindən qənaətbəxş cavab almaq mümkün olmayıb.
İran hökumətinin sözçüsü iyulunn 14-də qadının həbsi barədə məlumatı olduğunu təsdiqləyib, lakin əlavə məlumat verməyib.
Son illərdə İranda bir neçə amerikalı və ikili vətəndaşlığı olan şəxslər casusluq şübhəlisi kimi həbs edilib.
