Masaçusets ştatının prokurorluğu aktyor Kevin Speysinin üzərindən seksual qısnama ittihamını götürüb.
Bu barədə CNN məhkəmə sənədlərinə əsasən məlumat yayıb.
Aktyoru seksual qısnamada ittiham edən və adı çəkilməyən şəxs ABŞ qanunvericiliyinə əsasən öz əleyhinə ifadə vermək hüququndan istifadə edib. İyulun 8-də baş tutan hazırlıq iclasında o deyib ki, ittihamın sübutu üçün açar detal hesab olunan telefonunu itirib. Telefondan bəzi mesajların silindiyi də ehtimal olunur.
Buna da bax: Kevin Speysi 1 ildən sonra Frenk Andervud obrazında video müraciət yayıb
Nə baş verib: 2017-ci ilin oktyabrından etibarən aktyor Hollivudda “arzuolunmaz şəxsə” çevrilib. Səbəb isə onun 1992-ci ildə bir oğlana qarşı seksual qısnamalar etdiyi iddiası olub. Jurnalistlərin əldə etdiyi məlumata görə onun barəsində məhkəməyə 2019-cu ilin 7 yanvarında müraciət ediləcək.
Netflix-in cavabı: Həmin iddiadan sonra Netflix-in çəkdiyi “House of Cards” serialının baş rol ifaçısı Kevin Speysi filmdən uzaqlaşdırıldı. Serialın bu il yayımlanan son mövsümündə Frenk Andervud obrazının öldüyü göstərildi. Film tənqidçiləri son mövsümü bəyənməyib və çoxlu açıq sualların qaldığı bildirilib.
