Həbsdə olan müsavatçı fəal Azad Həsənov bu gün mbaş tutan məhkəmə prosesində azadlığa buraxılıb. Dövlət ittihamçısı onun 1 il 6 ay müddətinə azadlıqdan məhrum edilməsini tələb edib. Hakim İradə Həsənzadənin sədrlik etdiyi prosesdə Azad Həsənov 1 il müddətinə azadlıqdan məhrum edilib və onun barəsində Cinayət Məcəlləsinin 70-ci maddəsi (şərti) tədbiq edilib, partiya fəalı məhkəmə zalından azadlığa buraxılıb. Azad Həsənov haqda 6 aylıq sınaq müddəti seçilib.
Nə baş verib: Azad Həsənov 2014-cü ildən Litvada mühacirət həyatı yaşayıb. Ağır xəstə olan atasını görmək məqsədilə 2018-ci ilin oktyabrında onun Bakıya gəldiyi açıqlanıb. Müdafiə tərəfinin bildirdiyinə görə, o, oktyabrın 11-də saxlanıb. Ona qarşı Cinayət Məcəlləsinin 234.4-cü (külli miqdarda qanunsuz narkotik vasitələrin dövriyyəsi) maddəsi ilə cinayət işi qaldırılıb. Barəsində həbs-qətimkan tədbiri seçilib. A.Həsənov 2003-cü ildən Müsavat Partiyasının üzvüdür.
