“Sədərək”də anbarın 900 kvadratmetrlik hissəsi yanıb

“Sədərək” Ticarət Mərkəzində ötən gün baş verən yanğınla bağlı Fövqəladə Hallar Nazirliyi məlumat yayıb. Məlumata görə, yanğının baş verdiyi və ümumi sahəsi 1600 kvadratmetr olan abarın 900 kvadratmetri yanıb. Anbarın qalan hissəsi və bitişik anbarlar yanğından mühafizə olunub.

Məlumatda bildirilir ki, yanğının söndürülməsi zamanı 9 nəfər FHN və polis əməkdaşı və ticarət mərkəzinin 1 işçisinə tibbi yardım lazım olub, onlara yardım göstəriləndən sonra evə buraxılıb.

Nə baş verib: Ötən gün axşam saatlarında “Sədərək” Ticarət Mərkəzinə məxsus anbarda yanğın başlayıb. Bir neçə saat davam edən yanğının parfümeriya mağazasında başladığı, daha sonra anbara keçdiyi bildirilir. FHN yanğını söndürüb, hadisənin nədən baş verdiyi hələlik məlum deyil.