İran prezidenti Həsən Ruhani ABŞ-ın sanksiya tətbiq etdiyi xarici işlər naziri Muhammed Cevad Zarif və nazirlik əməkdaşları ilə görüşüb. Sputnik yazır ki, görüşdə prezident ölkəsi ilə ABŞ arasındakı gərginlikdən danışıb:
İranla sülh bütün sülhlərin anası, İranla müharibə bütün müharibələrin anasıdır. Regiondakı əsgərləriniz üçün təhlükəsizlik istəyirsiz? Onda təhülkəsizliyə qarşı təhlükəsizlik olmalıdır. Bizim təhlükəsizliyimizə xətər yetirsəniz, özünüzün təhlükəsizlikdə olacağınızı fikirləşə bilməzsiniz. Sülhə qarşı sülh, neftə qarşı neft. Bizim neft satmağımıza mane olub, başqalarının neft satmağına şərait yarada bilməzsiniz.
Ruhani onu da deyib ki, İran müzakirələrin tərəfdarıdır və bunun üçün ABŞ bütün sanksiyaları ləğv etməlidir.
