Foto: Daniel Becerril/Reuters

ABŞ-da Tramp administrasiyası müvəqqəti viza və ya “Green card” almağı çətinləşdirən layihəni reallaşdırmağı planlaşdırır. Deutsche Welle yazır ki, oktyabrın 15-i qüvvəyə minəcək layihəyə görə müəyyən standartlara uyğun gəliri olmayanların müvəqqəti və ya müddətsiz viza müraciəti rədd ediləcək.

ABŞ-ın Vətəndaşlıq və Miqrasiya Xidməti nazirinin müavini Ken Kukinelli yeni qaydanın əsas prinsipini açıqlayıb:

Burada əsas prinsip qədim amerikan dəyəridir. Özü özünə kifayət edə bilmək. Bu ölkəyə köçən insanların yük olmamağını təmin etmək gələcəkdə vergi ödəyicilərinin də xeyrinə olacaq

Ekspertlər isə deyir ki, bu, Trampın sərt miqrasiya siyasəti çərçivəsində həyata keçirdiyi ən təsirli addımdır. Buna görə “Green card” üçün müraciət edənlərin yarıdan çoxunun rədd cavabı alacağı ehtimal edilir.