Rusiyanın Təhsil və Elm Nazirliyi rusiyalı alimlərin xarici həmkarları ilə əlaqələrini məhdudlaşdıracaq. Meduza yazır ki, nazirlik alimlərin xarici həmkarları ilə görüşlər üçün əvvəlcədən icazə almaq və görüşlərlə bağlı hesabat verilməsini tələb edəcək.
Yeni qərara əsasən görüşlərdən 5 gün əvvəl bu barədə nazirliyi məlumatlandırmaq və görüşün nəticələri barədə ətraflı hesabat vermək lazım olacaq. Eyni zamanda görüş iştirakçılarının siyahısı da əvvəlcədən təqdim edilməlidir.
Nazirlik həm də tələb edir ki, alimlərin xarici həmkarları ilə görüşündə ən azı 2 rusiyalı alim iştirak etməlidir.
İş vaxtından kənar görüşlər barədə də nazirliyə xəbər verilməli və yalnız razılıq alındıqdan sonra bu baş tutmalıdır. Görüşlərdə danışılanlar barədə qısa məlumat və iştirakçıların pasportunun skanı olmalıdır.
