İlhan Omar və Raşida Tlaib konfransda çıxış edir. Foto: AP Photo/J. Scott Applewhite

İsrail hökuməti ABŞ Konqresi üzvləri İlhan Omar və Raşida Tlaibin ölkəyə girişini qadağan edib. Deutsche Welle yazır ki, qərarı dəstəkləyən baş nazir Benyamin Netanyahu onların İSrailə ziyan vurmaq istədiyini deyir.

Bu həftəsonu Şərqi Qüds və Qərbi Şəria ərazisinə səfər planlaşdıran Konqres üzvləri İsrailə qarşı boykotu gücləndirmək və İsrailin legitimliyini yox hesab etməyə çalışmaqda ittiham olunur.

B.Netanyahu tələb edib ki, əslən fələstinli olan R.Tlaib Qərbi Şəriada yaşayan ailəsinə baş çəkmək üçün müraciət etməli və İsrail əleyhinə boykotu dəstəkləməyəcəyinə söz verərsə, onun səfərinə icazə verilə bilər.

İsrailin bu qərarı açıqlamasında qısa müddət əvvəl ABŞ prezidenti Donald Tramp Tvitterdə bu çağırışı edib:

İsrailin Konqres üzvləri İlhan Omar və Raşida Tlaibin bu ölkəyə səfərinə icazə verməyi böyük zəiflik nümunəsi olardı. Onlar İsrailə və yəhudilərə nifrət edir. Onların fikrinin dəyişdirmək üçün deyiləcək və ediləcək heç nə yoxdur

İlhan Omar bu qərarı demokratik dəyərlərə təhqir kimi qiymətləndirib və İsrail hökumətinin bu addımının onu məyus etdiyini deyib.

İ.Omar, R.Tlaib və daha iki Konqres üzvü bir müddət əvvəl ABŞ prezidenti Donald Trampı tənqid edib, o isə cavabında hər 4 qadından öz ölkələrinə geri qayıtmağı tələb edib.