Türkiyənin ən azı 42 vəkillər kollegiyası Prezident İqamətgahında baş tutacaq ədliyyə ili açılış mərasiminə qatılmaqdan imtina edib. Deutsche Welle yazır ki, Türkiyə Vəkillər Kollegiyası tədbirə qatılacağını açıqlasa da, ayrı-ayrı şəhərlərin kollegiyaları tədbirdə iştirak etməyəcək.
Sentyabrın 2-I baş tutacaq mərasimlə bağlı İstanbul Vəkillər Kollegiyasının prezidenti Mehmet Durakoğlu açıqlamasında deyib ki, ötən illər ərzində məhkəmə hakimiyyətinin müstəqilliyi ciddi zədələnib. “Məhkəmə hakimiyyəti təzyiq altındadır və biz mübarizə aparmağa davam etməkdən başqa çıxış yolu görmürük”.
Tədbirə qatılmaq istəməyənlər hesab edir ki, ədliyyə ilinin açılışı president iqamətgahında yox, Ədliyyə Nazirliyinin binasında olmalıdır.
Nə baş verib: Türkiyədə 2016-ci ildə baş verən hərbi çevriliş cəhdindən sonra hər il ədliyyə ilinin açılışı president iqamətgahında baş tutur və vəkillər kollegiyaları ilk dəfədir ki, mərasimə qatılmaqdan imtina edir.
