Braziliyada naməlum şəxs 37 nəfərin olduğu avtobusu girov götürüb

Braziliyanın Rio de Janeyro şəhərində silahlı, naməlum şəxs 37 nəfərin olduğu avtobusu girov götürüb. AP yazır ki, Braziliya polisinin yaydığı məlumata görə, o, avtobusa atəş açmaqla təhdid edir.

Yerli vaxtla saat 5:30-dan etibarən şəhərin Niteroyi ərazisinə aparan körpüdə avtobusu girov götürən şəxs polis olduğunu iddia edir. Amma onun polis olduğu hələ təsdiqlənməyib.

İndiyə qədər girovlardan ən azı 4-ü azad edilib.

Rəsmilər deyir ki, girov götürən şəxsin hələ ki, heç bir xüsusi tələbi olmayıb, onun psixoloji problemlərinin olduğu güman edilir.