İllustrasiya: mikroskop media

Avropa İnsan Haqları Məhkəməsi Türkiyəyə iki ay vaxt verib ki, ölkə ərazisində Wikipedia-nın bloklanmasının Avropa İnsan Haqları Konvensiyasına uyğun olduğunu sübut etsin.

Deutche Welle yazır ki, son vaxtlar Türkiyəylə bağlı işlərə baxılması prosesini sürətləndirən məhkəmə “Wikimedia”nın Türkiyə əleyhinə ərizəsinə də qısa müddətdə baxıb.
Wikipedia-nın bloklanmasının Konvensiyanın ifadə azadlığı maddəsinə uyğun olub-olmadığını bilmək istəyən məhkəmə Türkiyə hökumətinə oktyabrın sonuna qədər vaxt verib.

Wikipedia niyə bloklanıb: Türkiyə hökumətinin iddiasına görə, Wikipedia-nın bloklanmasının səbəbi saytda dərc olunan bəzi yazılarda Türkiyə dövlətinin müxtəlif terror qrupları ilə iş birliyində olduğu göstərilir. Saytın aid olduğu Wikimedia dərnəyi qərarla bağlı məhkəməyə müraciət etsə də, etiraz qəbul olunmayıb.